هل تقبلين بالزواج من موظف راتبه 1500 ريال وهل تقبل تزويج أبنتك؟

[احلى اثنين]

السلام عليكم ورحمة الله وبركاته

أخواني و أخواتي

الجميع يعلم مستوى البطاله إلى أين وصل......!!!

المحظوظ من يجد وظيفه بأي راتب والسقف الأدنى الشائع هو 1500 ريال

الآن:

هل تقبلين أختي الكريمه أن تتزوجي رجلا راتبه الشهري 1500 ريال؟

وأنت أخي الكريم هل تقبل تزويج كريمتك برجل مرتبه 1500 ريال؟

الوضع سيء أعرف ذلك ولكن بالنقاش الهادف قد نصل ألى الحلول الجاده

الموضوع مفتوح لمداخلاتكم القيمه والهادفه

فتفضلوا..

</i>

[امير الروووح]

موضوووووع رائع كروعة وجودك يالغلا

اتمنى من الجميع التفاعل

وانا عن نفسي ما تزوج وراتبي 1500 وانا عزوبي ماتمشي حالي

شلان وانا متزوج


مشكووووووور على الموضوع اخي الغالي

[سارونه]

الموووضوع حلووو
ويحتاج نقااش بس مااحس في الوووقت الحالي احد يقبل مو مساله غروور او تكبر بس 1500 قيمه فستان او اقل كمان الحياه صارت له مطلبات كثيره
بس لو قابل لزياده فااووكي عادي

بس طوول العمر حتى لو بعد الاولد صعببببببببببه

[وحيد بغربتي]

والله لو الراتب 20 الف بهآزمن البنت صارت ماتبي غير ماليزيا وبيروت والمسكين الرجال هو اللي يفلس
عـوآ‘في.~

[سارونه]

لا مو 20 عادياووحيد
بس راتب معقووووله

[سارونه]

لا مو 20 عادياووحيد
بس راتب معقووووله

[خالد]

موضوع رائع اما بالنسبه عني مستعد ازوجه لو كان راتبه 1500 اذا كان رجل ويستحق واعرف انه راح يسعد بنتي بس بشرط موافقة البنت وسبحان الله اعرف ناس ما عندهم وظيفه بس يوم كمل نص دينه ربي سهلها عليهم وفتح في وجهم باب الارزاقوياما ناس رواتبه 20 الف لكن مافيه سعاده

[نبض الحنين]

يسلموووو على الطرح بس ...ليه مانفكر بعقلانيه شوووي .امانه وش بتسوي فيك 1500
لا ومتزوج..والا بتعتمد على اهلك..في كل شي ..صعب انووو انك تعتمد عليهم وبعدين تخيل زوجتك تشووفك وانت تطلب من هلك من ابوووك وامك الفلوس راح تطيح من عينها ...البنت لما تتزوج تبي رجال تعتمد عليها
مو تثق فيه .. مو يجي هو يعتد على اهلها ..والا 1500 اتوقع انتو يالشباب العزوبيه مستحيل توفي طلباتكم
فكيف متزوج وبيت ومصاريف وزوجه والى اخره..

مو قصه غرور .. بس هاذا الواقع ..ولاننسى الاسعار الحين كيف صارت ..يعني بتنزل السووق 1500 قيمه فستان هاذا كفى بعد..

بس في نقطه بقوولها لو نرجع للبطاله ..الشباب هم السبب ..لانو اكثرهم يطلع من المدرسه من متوسط والا مايكمل دراسته ..واذاكمل الثانويه .. ماعنده طموح انووو يكمل دراسه ,,يبي وظيفه وبس .. اهم شي مايكمل ..مايعرف ولا يفكر انووو الشهاده سلاح ..وهي المستقبل ..اتمنى كلامي مايزعل حد بس هاذا الواقع


تحياتي لك..

[عطرها كادي]

موضوع رائع

بعيدا عن المثاليات

ممكن توافق الفتاه ولكن بشروط

1- ان يكونه سكنه ملك له

2-ان يوقفو الانجاب حتى تتيسر امورهم

3-ان يبتعدوا عن المجاملات والزيارات وان يرفضو استقبال الضيوف

4-ان تكون سيارتهم جديده ليس لها مصاريف صيانه

5- ان لايكون الزوج او الزوجه مدخنه هههههههه عشان المصاريف

6- ان يفتحو ملفات بالمستشفيات الحكوميه وينتظرون الدور اذا لاقدر الله مرض احد منهم

7- ان لايفكروا غير بالاكل والشرب بعيدا عن اي كماليات

هل يوجد فتاة او شاب عنده استعداد للشروط ؟

الحياه صعبه ومتطلباتها كثيره مهما حاولنا ان نتغاضى هناك اشياء ضروريه

والا سيدخل الزوج في عالم الديون والهم اللا متناهي

وبالتالي ستؤثر على حياتهما الزوجيه وستدخل المشاكل بينهما

لو كان المنزل ايجار سياخذ كل الراتب ولايكفي في ظل غلاء الايجارات

لو انجبا طفل واحد سيحتاج مالا يقل عن الف ريال شهريا

لو ولو ولو مصاريف كثيره لاتغطيها ال1500 باي شكل من الاشكال مهما حاولو الاقتصاد

لنكن واقعيين بعيدا عن المثاليات

[خالد]

2-ان يوقفو الانجاب حتى تتيسر امورهم


اختلف مع عطرها كادي بالنسبة للاطفال
ليش يوقفوا الانجاب
كل مخلوق يخلق رزقه معه

[نبض الحنين]

صح كلامك خالد بس بسالك سؤال امانه انت الحين تكفيك 1500

مصاريف وكل شي ؟؟؟

نفكر بعقل ..لو كل شاب من اوول يفكر يبني حياته صح ..وماوصلنا للي حنا فيه الحين

من بطاله ... وووو اشياء كثيره..


هاذا رائي ...وبس

[عطرها كادي]

2-ان يوقفو الانجاب حتى تتيسر امورهم


اختلف مع عطرها كادي بالنسبة للاطفال
ليش يوقفوا الانجاب
كل مخلوق يخلق رزقه معه

انا معاك كل طفل برزقه ولكن هل نجازف بمستقبل الاطفال

لابد من تأمين حياة كريمه لهم حتى قبل ولادته

[احلى اثنين]

انا عن نفسي تكفيني 500 ريال في الشهر

وكثيرة على 500 ريال في الشهر

بس البنت الفاهمة صح تقدر تخلي 1500 كافية

شهر كامل ونادر ماتحصل ع بنت نفس هاذي

الموصفات

الله يعطيكم الف عافية ع الردود


تحياتي

احلى اثنين

[نبض الحنين]

يمكن تكفيك 500 ريال

بس تقدر تدقع ايجار شقه يصل ايجارها 20 او 25 الف في السنه
يمكن ان تلبي احتياجات زوجتك من مصاريف للبيت ..
يمكن ان تلبي الظروووف الطارئه من مستشفى .. او حتى تعطل السياره المفاجئ.. يمكن حتى المناسبات
المفاجئه لزوجتك من فستان ومكياج ووووو............؟؟؟؟
يمكن ان تلبى فاتوره كهرباء وماء وتلفون وجوال ؟؟؟؟
واشيااااااااااااااااااااااء كثيره لا ماظن ..
انت شااب الحين وجالس عند هلك ومافي مصاريف كثيره بحكم انو الوالد الله يخليه لك هوو اللي يصرف
بس الزواج مسئوليه ...
..

تحياتي

[احلى اثنين]

أكيد لا مستحيل أقدر أدفع لشقة

بس أكيد راح يكون السكن في البيت

مع أهلي مافي أحد يقدر على اجار هل وقت


يسلموووووووووووووووووووو

نبض الحنين

[وحيد بغربتي]

لو انجبا طفل واحد سيحتاج مالا يقل عن الف ريال شهريا لآسيآره ولآهو بمدرسه خاصه..!
آلف ريآ‘ل لطفل ,,
اسمحيلي لو إآلخآدمه أكلها وشربها وراتبها نقوٍل صحيح الف ريال أما لطفل ابدآ مو معقوٍل..,,
تحيآ‘تي

[عطرها كادي]

لآسيآره ولآهو بمدرسه خاصه..!
آلف ريآ‘ل لطفل ,,
اسمحيلي لو إآلخآدمه أكلها وشربها وراتبها نقوٍل صحيح الف ريال أما لطفل ابدآ مو معقوٍل..,,
تحيآ‘تي

الطفل محتاج لوازم كثيره بالاضافه الى حالة الطوارئ

كم يكفيه حفاظات وحليب ولوازم نظافه وملابس بالشهر غير عن الكماليات والحالات الطارئه

مثل مستشفى لاقدر الله

[خالد]

شوفوا بتكلم عن حياة عزوبي

الايجار 1500 ريال شقه تدفع 750 ريال طبعا انتم اثنين قطه
المصروف اليومي 100 ريال يعني ال 10 ايام 1000 ريال
يعني شهر 30 يوم 3000 ريال
غير قطة في العمل
غير الزواجات تحضرها
غير الملابس
غير قطة العزبه
غير قسط سيارة
غير قسط قرض

يعني صعبه

[خالد]

انا واحد من الشباب جلسنا نحسب تكاليف الزواج

مهر 35 الف هذا كحد ادني او 30 الف ريال
قاعه 20 الف ريال كحد ادنى
20 الف ريال الذبايح
17 الف ريال تستاجر شقه سنويه
20 الف ريال اثاث للبيت
غير الطقاقات والحلى الي عند الحريم وغير الفلوس الي بتقضي فيها شهر العسل
120 الف ريال هذي تزوجك ان شاء الله
والله ما ابغا اعقدها بس كل الامور هذي تتسهل اذا توكلت على ربك وتزوجت

[مآآ خيبُ ظنونّكَـ]

بالنسبه لي انا لا اوافق في الزواج دام المااديه ماتسمح
هذا رأأيي الشخصي...